Bogor und Jakarta

Am 18ta am Obat sen mr met am Bus Richtung Bandung gstartat, sen ugfohr 14 Stund Nachtbusfahrt gsi, abr wo mr den am 19ta am Morga ds Bandung akoh sen hots üs ger net gfalla und den hon mr üs kurzfristig entschieda glei noch Bogor ds Fahra, also in Public Bus ihi ghockt und der hot den verkehrsbedingt statt 3h ca 5h brucht. Ds Bogor hon mr den no 2 Stund a Hotel gsuacht und zwor met Händ und Füaß well ses do met Englisch net so hon...Tjo schlussendlich sen mr noch genau 24 Stund wedr in ma Hotelzimmer akoh. Isch a coole Abenteuerfahrt gsi! Am 20ta sen mr den vo Bogor us zo Teeplantaga gfahra und hon üs da Botanischa Garta agluat. Isch recht lässig gsi, abr Bogor extrema Verkehr, glob 3 Stund im Stau oma gstanda. Am 21ta sen mr den witer met am Zug of Jakarta, am Nomittag sen mr zom Freiheitsdenkmal und hon üs amol abiz an Öberblick verschafft. Am Obat isch ds Jakarta Night Festival gsi, do fieran si da Geburtstag vo Jakarta, isch gewaltig...A ganze Stroß gsperrt und zehntausende Lüt ofweg an Hufa Bands und halt a riesen Fest. Am 22ta hon mr met ma Ihemischa a Tour dor d Stadt gmacht, unter anderem sen mr of am Tiarmarkt i dr Altstadt, am Hafa und i dr China Town gsi. Isch echt geil gsi, abr viel arme Lüt, direkt nebs riesengroßa Luxushotels wohnan d Lüt ondr dr Brog, echt krasse Gegasätz. Am 23ta sen mr Is Ancol Dreamland, des isch a riesen Vergnügungsgelände am Meer, do gits Achterbahna a Sealife usw. Miar sen im Sealife und bei a paar Tiarshows gsi. Am 24ta sen mr den no abiz ga ikofa ganga und am Obat hon mr en us Borneo troffa der üs zom Sufa iglada hot...si Ziel isch gsi üs ds bsöfa, hots abr net ganz gschafft, isch ganz verwundert gsi das ma 14 kline trenka ka ;-)...jo und hüt am margat sen mr noch 2 Stund schlof am 4e an Flughafa und noch Dubai gfloga...Etz wartan mr gad of a Günter...

Über Bali nach Java

So...lang ke ziet me ket zom schriba, abr i probiars etz zom zemma fassa was mr i da lötschta zeha Tag so to hon. Ds Gilli sen mr abiz ga taucha gsi und sen met am Fahrrad om d Insla gfahra. Am 8.6. sen mr den met dr Fähre zrog noch Bali gfahra und sen nomol ga taucha ganga (ds Video kennan dr jo). Am 9.6. am Obat sen mr den of Ubud gfahra a Stadt abiz witer im Zentrum vo Bali, jo sen abiz of a Markt, in Affa Wald und hon Kopi Luwak, des isch dr türschte Kaffe dr Welt und zwor wel d Bohna zerscht vo Katza gfrässa und dannoch wedr gsammlt und grösstat weran. Am 11.6 sen mr den of Tulamben im Nord-Osten vo Bali gfahra und hon do wedr 3 Tauchgäng a ma geila Frack gmacht, unter anderem oh an Nachttauchgang. Am 12.6 sen mr den of Java gwechselt, do hon mr of dr Fähre da Fendi, an ihemischa us Banyuwangi kenna glernt und der hot üs iglada be ihm dahem zom schlofa. Be dem hon mr den drei super Tag verbrocht, hon be ihm i dr Stoba Fernseh gluagt met sinam Kind gspielt und sos coole saha gmacht. Am 13.6 sen mr z.B. am 01:00 ofgstanda und Richtung Kawa Ijen gfahra, isch en dr aktivsten Vulkane ds Indonesien. Was mr do den gsaha hon isch unglaublich gsi, i dem Vulkan wörd Schwefel abbaut und des als vo ihemischa Arbeiter wo met anara Isastanga ds Schwefel us am Fles hauan und den bis zu 90kg of da Schultara 4 km in a Lager tregan und des för ca. 7€ am Tag. Am 14.6 sen mr den ga Fahrradfahra ganga, isch oh a mortz Gaudi gsi, voll gas dor Reisfelder blosa...Am 15.6. sen mr den 12 Stund met am Zug bis noch Yogyakarta gfahra, do sen mr etz sit dert und tuan net viel hauptsächli öber Lüt stauna of Märkt go und göster sen mr amol 4 Stund met am Public Bus oma gfahra.

Diving with Mantas

Mount Rinjani

Mount Rinjani isch dr Hammer gsi. Miar sen am 4.5 vo Senaru of ca 600m gstatrtat und am ersta Tag bis zom Kraterrand vom Vulkan of 2300m gwandrt. Do hon mr den bi ma Hammer Sonnenuntergang vo üsara super Träger a gewaltigs Essa kocht kriagt. D Träger sen echt unglaublich!! Tregan be 30° so 50kg Essa omanan und des als i Flip Flops. Am nöschta Tag sen mr den wedr am 06:00 ofgstanda und noch ma wunderbara Frühstück sen mr den in Krater abgstiega wo mr i da heißa Quella und im Kratersee bada könna hon. Dannoch ischs of dr andara Sita wedr ofi ganga of 2600m an andara Kraterrand, wedr super Sonnenunterangang und köstliches Essa. Und des schönst isch gsi, das dr Sebi und i soger no a paar Bintang met üsara Träger trenka könna hon :)). Jo und am dretta Tag isch as am 03:00 losganga of a Gipfel. Isch echt a zeche Partie gsi, drei Stond be ma huara kalta Loft im dunkla öber a Schoderhalda ofi stifla. Am halb 6e sen mr den am Gipfel of 3726m akoh und hon no a halb Stond vor üs ahi gfrora. Am 06:20 sen mr den vo ma wunderbara Sonnenaufgang belohnt wara. Jo dannoch isch den wedr abwärts is Lager of 2600m ganga wos wedr a traumhafts Frühstück geh hot. Tjo und den sen mr wedr abgstiega bis of 1500m und vo dert sen mr den of d Gillis züglat des sen drei kline Insla im Nordwesten vo Lombok. Als zema isch as echt a hammer coole Tour gsi, leidr hot se en Schönheitsfehler ket, dr Sebi hot si Handy no verlora...