Melbourne

So mitlerweile sen mr etz scho wedr sechs Tag ds Melbourne, kennan üs scho abiz us und hon eigatli oh scho ziemlich viel gmahat. Isch of jeda fall a schöne Stadt wo ma viel maha und aluaga ka. Gad för sportbegeisterte isch viel dabei. Miar hon unter anderem d Formel 1 Strecke, da Cricketground, ds Tennisstadion und a Pferderenna agluagt Sen geile Stadien und bsondrs ds Pferderenna isch a gaudi gsi met viel Wetta und Biar trinka. Jo und halt i dr Stadt gits oh aller Hand coole Sacha, Chinatown zom guat essa go, echt a schöne Bibliothek und da Victoria Market wo mr soger Landjäger gfonda hon ;)))...Mara gohts leidr scho wedr ab an Flughafa und Richtung Norden noch Alice Springs und zom Uluru.