Bye Bye Balloon, Bula Fiji

Noch schmerzvollem Abschied vo üsaram Balloon hon mr noch zwä meh odr weniger verregnate Tag in Auckland verbrocht. Auckland isch a coole Stadt, aber ganz anderst wia dr Rest vo Neuseeland. Miar hon üs dr Hafa, dr Skytower und unter anderm oh dr St. Patriks Day agluagt, St. Patrick isch cool gsi ;))...Am 17 sen mr den of d Fijis gfloga, do isch wedr ganz anderst abr wunderbar, super freundliche Lüt und halt efach wias Paradies. 35°, Sonnenschein, wieße Stränd und blaus Meer...Dia ersta zwä Tag sen mr of dr Hauptinsel in ma coola Resort gsi und hon relaxt und met am Staff Rugby gspielt. Am 20ta sen mr den of a Tour durch d Yasawa Islands gstartat do hon mr dia meste Ziet i Hängemattana a wießa Strändt unter Palma verbrocht, also abiz an Stress abr sos scho boda schö :-)))))....Onta noch a paar Bilder das dr abiz Mittleid met üs ho könn. AM 27. sen mr den witer odr zrog :-( of Australien gfloga, etz sen mr ds Cairns in ama lässiga Hostel mara gohts ab ga Taucha is Great Barrier Reef, tjo und den schaun mr mal...

Ab ins Auenland

Sooo... am 11.3 sen mr also is Auenland greist. Isch echt an coola Usflug gsi...ds ganze Movieset vo dr Herr der Ringe und Hobbit hon mr dert agluagat. Am obat sen mr den no witer Richtung Nord-Osten noch Matata gfahra, do hon mr wedr an brutal laessiga Campingpalatz met an hufa Ihemischa, direct am Meer gfonda. Mr hon den oh glei a paerle kenna glernt und met dena sen mr den ga Kaitiki Fischa ganga. Hon oh 8 Fisch gfanga und soger en foers Obatessa kriagt. Hot gewaltig guat gmundat. Mr sen den am 12ta oh no a dem Strand bleba und hon an verdianta relaxing Tag gmacht be Sonnenschein und abiz wellaritta. Huet sen mr den ad Westkueste gfahra wo mr an ma schwarza Strand abiz baedalat hon. Mara gohts witer of Auckland wo mr leidr user liaber Balloon zrog gen...

Bem Bilbo Dahem



Richtige Hobbits

Matata



Fischa met am Pete





Turnen in Rangal





Ab auf d Nordinsel

So...miar sen also am 3ta 2 Stond met dr Fähre Richtung Wellington gfahra den hon mr wega z großer Wella wedr kert maha müassa und zrog of Picton, ds erste mol sit 8 Johr...tjo den sen mr halt 2 Tag in Picton festkockt...najo am 6.3. Sen mr den entlich noch Wellington ko...Wellington isch cool gsi sen abiz dr Hobbit Hight away Track aluaga ganga und abiz dor d Stadt glalat, am 7ta am Obat hon mr üs den no a Rugby Match agluagt...am 8ta isch den witer Richtung Norden zom Tongariro National Park gfahra. Am 9ta hon mr en ds Tongariro Alpine Crossing gmaht, a Wanderung dor Mordor und oh of a Schicksalsberg :-))). isch voll geil gsi durch a voll geile Vulkanlandschaft. Am Obat sen mr den no of Rotorura gfahra, stinkt abiz abr isch lässig und hüt hon mr no so an Hot Pools Park agluagt...brutala Schwefelgstank abr schö.Und mara gohts ab is Auenland ;-)))...



 

 

Kia Ora us Picton...

Miar hon üs am 1.3. an Campervan glieha und sen den vo Christchurch Richtung Norden gfahra...am ersta Tag glei an gewaltiga Campingplatz direkt am Meer ket und an gmüatlicha Obat am Lagerführ verbrocht. Noch ma Frühstück met Delfinen sen mr den durch riesen Weingüater noch Blenheim gfahra...do sen mr abiz ga Welarita und am 3.3. sen mr den noch Picton gfahra...tjo und hüt gohts met dr Fähre of d Nordinsel und do luagan mr den was kunt...